Hytaýdan pensioner dünýäde wideo oýunlar bilen meşgullanýan iň garry bloger boldy

  • 02.02.2024 19:22
  • 12k+

Hytaýly pensioner dünýäde wideo oýunlar bilen meşgullanýan iň garry bloger boldy. Bu barada UPI neşirine salgylanyp, gazeta.ru ýazýar.

Internetde “Ýan baba” ady bilen tanalýan 88 ýaşly Ýan Binlin wideo oýunlar boýunça rolik düşürýän iň garry bloger hökmünde Ginnesiň rekordlar kitabyna girdi. Pensiýadaky adamyň sosial ulgamlarda onuň roliklerini yzarlaýan 280 müňe golaý abunaçysy bar.
Ol wideo oýunlar bilen 1998-nji ýylda, pensiýa çykan mahaly gyzyklanyp başlandygyny gürrüň berýär. Şondan bäri her gün üç – alty sagady gowy görýän işine sarp edýär.
Ýanyň aýaly onuň gyzyklanmasyny goldaýar we hatda käwagtlar onuň bilen bilelikde oýnaýar. Mundan başga-da, Binlin öz agtyklaryny we beýleki maşgala agzalaryny hem wideo oýunlaryň dünýäsi bilen tanyşdyrdy.
Garry rekord eýesi bolandygyna begenýär hem-de bedeniniň oýun oýnamaga mümkinçiligi barka, hemişe oýnajakdygyny aýdýar.


03.10.2025 09:29
10k+

Müsürli göreşiji 700 tonnalyk gämini dişi bilen süýşürdi

44 ýaşly müsürli göreşiji Aşraf Mahrus 700 tonnalyk gämä daňylan tanapy dişinde gysyp, ony 15 metr süýşürdi. Türgen bu üstünligi Ginnesiň rekordlar kitabyna girizmek üçin arza bermek isleýär diýip, NBC News habar berýär...

01.10.2025 17:46
4k+

Teýlor Swiftiň entek çykmadyk albomy Spotify-da rekord goýdy

Teýlor Swift Spotify-da täze rekord goýdy: onuň geljekki “The Life of a Showgirl” albomy resmi çykmazyndan ozal 5 milliondan gowrak ulanyjy tarapyndan çykan badyna diňlemek üçin öňünden ýatda saklanyp galdy. Bu platformanyň taryhynda albomyň şeýle görkezijä ilkinji gezek ýetmegidir...

30.09.2025 09:32
1.8k+

Hytaýda sosial ulgamlarda pessimistik postlary paýlaşmak gadagan edildi

Hytaýyň internet düzgünleşdirijisi sosial ulgamlarda post ýerleşdirmegiň düzgünlerini berkitdi. Indi ulanyjylara nägilelik we iňirdemek ýaly pessimistik kontentleri paýlaşmak gadagan edilýär diýip, Reuters agentligi habar berýär...

26.09.2025 19:46
7.5k+

Dubaýda bir çaşka kofe 680 dollara satylyp, Ginnesiň rekordy goýuldy

Dubaýda Ginnesiň täze rekordy goýuldy: Roasters Specialty Coffee House kofehanasy bir çaşka kofeni 2500 dirhama (takmynan, $680) satdy. Bu barada Rekordlar kitabynda habar berilýär. Rekord goýan kofe V60 süzgüjini ulanmak bilen purower usuly arkaly elde taýýarlandy...