Neuralink adam beýnisine ilkinji implanty oturtdy

  • 31.01.2024 14:52
  • 7.4k+

Telekeçi Ilon Maskyň Neuralink neýrotehnologiýa kompaniýasy 28-nji ýanwarda ilkinji gezek adam beýnisine implant oturtdy. Bu barada TASS habar berýär.

“Ilkinji adam implant aldy, dikeldiş [operasiýadan soň] gowy geçýär” – diýip, Mask X sosial ulgamynda ýazdy. Deslapky maglumatlara görä, enjamyň iş görkezijisi köp zady wada berýär.

Telekeçi Neuralink-iň ilkinji önüminiň Telepathy diýlip atlandyrylandygyny belledi. Ol adama pikiriň güýji bilen telefony we kompýuteri dolandyrmaga mümkinçilik berer. Maskyň aýtmagyna görä, ilkinji ulanyjylar öz el-aýagyna diýen etdirijiligi ýitiren adamlar bolar.

“Stiwen Hokingiň öz pikirini ýokary tizlikli tekst ýygyjysyndan ýa-da auksionçydan hem çalt beýan edip biljekdigini göz öňüne getiriň. Maksat şeýledir” – diýip, milliarder düşündirdi.

Neuralink startapy 2016-njy ýylyň iýul aýynda Mask tarapyndan döredildi we geljekde adam beýnisine oturdyp boljak çipleri işläp taýýarlamak bilen meşgullanýar. Işewür şeýle neýroulgamlaryň adama emeli aňa garşy durmaga ukyply kiborg bolmaga mümkinçilik berjekdigine hem-de adamlara pikiriň güýji bilen kompýuteri dolandyrmagy öwrenmäge kömek etjekdigine ynanýar.


31.08.2025 08:48
8.6k+

Koloradoda dinozawrlardanam has gadymy pyşbaganyň görnüşi tapyldy

Paleontologlar Chelydridae maşgalasyndan bolan pyşbagalaryň ozal näbelli sütün öýjükli neslini  we görnüşini tapdylar. Olary Koloradodan tapylan bitin çanagyna we beýleki galyndylaryna esaslanyp suratlandyrmak başartdy...

28.08.2025 12:21
5.3k+

Mask Starship-de ýokary tizlikli uçuşlary wada berýär: Nýu-Ýorkdan Londona 10 minutda

Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy. SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler...

27.08.2025 11:42
2.5k+

SpaceX kompaniýasy Starship gämisiniň onunjy synag uçuşyny üstünlikli geçirdi

26-njy awgustda SpaceX amerikan kompaniýasy Starship gämisi oturdylan Super Heavy raketa göterijisiniň onunjy synag uçuşyny üstünlikli geçirdi. Çäre X sosial ulgamy arkaly göni ýaýlymda görkezildi. Kompaniýanyň berýän maglumatyna görä, synagda öňde goýlan maksatlara ýetildi we bu uçuş "dünýäde ilkinji dolulygyna köp gezeklik raketa göterijisini işläp taýýarlamakda ähmiýetli ädim» boldy...

26.08.2025 13:37
9.6k+

Müsürde suwdan gadymy Kanopus şäheriniň bölekleri çykaryldy

Müsür häkimiýetleri Aleksandriýanyň golaýynda Abu-Kir aýlagynda ýerleşen suwa giden gadymy şäheriň böleklerini gury ýere çykardy diýip, The Guardian habar berýär. Bu Müsüri tas 300 ýyl dolandyran Ptolemeý nesilşalygynyň dolandyran we 600 ýyl töweregi ýurdy dolandyran Rim imperiýasynyň döwründe möhüm merkeze öwrülen Kanopus şäheri hasaplanýar...