"Arkadag" futbol klubunyň oýunçylary okuw-türgenleşiklerini geçmek üçin anna güni Antaliýa (Türkiýe) ugradylar. Bu barada "Türkmenistan: Altyn asyr" elektron neşiri habar berdi.
Türkmenistanyň çempionatynyň nobatdaky möwsümine taýýarlyk görmegiň çäklerinde Wladimir Baýramowyň şägirtleri Türkiýede birnäçe duşuşyklary geçirerler.
Öň habar berşimiz ýaly, "Arkadag" FK 10-njy fewralda "Dnepr-1" ukrain kluby bilen ýoldaşlyk duşuşygyny geçirer. "Dnepr-1" Ukrainanyň Ýokary ligasynyň güýz möwsümini ikinji orunda tamamlady. Ol birinji ýerde barýan "Kriwbassda" diňe goşmaça görkezijileri babatda yza galdy.
Ýatlatsak, "Arkadag" futbol kluby 2023-nji ýylyň aprelinde döredildi. Birinji möwsüminde ol ýurduň çempionlygyny we Kubogyny gazandy. Ol çempionatdaky 24 resmi duşuşygynyň ählisinde ýeňiş gazandy.
