Prezident Serdar Berdimuhamedowyň garamagyna Türkmenistanda ylmy barlaglaryň netijeliligini üpjün etmek boýunça pudagara topary tarapyndan seljerilen we döwletimiziň innowasion ösüşine ýardam berjek ykdysady bähbitli teklipler hödürlenildi.
“Watan” habarlar gepleşiginde habar berlişi ýaly, ýerli çig mallaryň esasynda daşary ýurtlardan getirilýän harytlaryň ornuny tutýan we bäsdeşlige ukyply önümleri öndürmek we milli önümçilikleri giňeltmek boýunça tehnologiýalar işlenilip taýýarlanylýar.
Şol döwrebap tehnologiýalar bolsa degişli nebitgaz guýularynyň önümliligini ýokarlandyrmaga, özleşdirilýän gazyň mukdaryny artdyrmaga, nebitiň, gazyň we kondensatyň çykarylyşyny ýokarlandyrmaga mümkinçilik berýär.
Serdar Berdimuhamedow milli ykdysadyýetimiziň esasy pudaklaryna döwrebap tehnologiýalary, hususan-da, sanly ulgamy giňden ornaşdyrmagyň we bu babatda degişli ylmy-barlaglary geçirmegiň wajypdygyna ünsi çekdi hem-de wise-premýere birnäçe anyk tabşyryklary berdi.
