Özbegistan elektromobil öndürmäge başlady

  • 26.01.2024 22:34
  • 11k+

Özbegistanyň Jizak welaýatyndaky BYD Uzbekistan Factory zawodynda ýylda 50 müň birlik kuwwaty bilen gibrid we elektrik awtomobilleri ýygnamak boýunça taslama işe girizildi. Dabara Özbegistanyň prezidenti Şawkat Mirziýoýew we Hytaýyň BYD kompaniýasynyň prezidenti Wan Çuanfu onlaýn režimde gatnaşdy. Bu barada özbek lideriniň metbugat gullugyna salgylanyp, Trend habar berýär.

Özbegistanyň ýolbaşçysy HHR-e döwlet saparynyň çäklerinde Şençžendäki BYD-yň ştab-kwartirasyna we tehnologiýa merkezine baryp gördi. Metbugat gullugynyň maglumatlaryna görä, Şawkat Mirziýoýew ýakyn geljekde bazardaky islegi göz öňünde tutup, model hataryny giňeltmegiň we awtomobil önümçiliginiň kuwwatyny ýylda 300 müňe ýetirmegiň zerurdygyny nygtady.
Şeýle-de, kompaniýanyň Özbegistanda BYD elektrobuslaryny ýygnama işini ýola goýmak boýunça meýilnamalary goldanyldy.
Belläp geçsek, BYD bilen “Uzawtosanoat” paýdarlar jemgyýetiniň bilelikdäki kärhanasy 2022-nji ýylyň dekabr aýynda döredildi. Zawod Özbegistanyň günbataryndaky Jizak welaýatynda ýerleşýär. Kärhanada BYD Chazor sedanynyň we Song Plus krossoweriniň önümçiligi ýola goýuldy.


28.11.2025 11:16
2.1k+

Xiaomi elektromobillerine howply ýagdaýlarda päsgelçiliklerden aýlanyp geçmegi öwretdi

Xiaomi hytaý kompaniýasy elektrik awtoulaglaryna adaty tormoz tutma ýeterlik bolmadyk ýagdaýda ulagyň päsgelçiliklerden awtomatiki usulda aýlanyp geçmegine mümkinçilik berýän funksiýany goşdy. Öň ýokary tizlikde şeýle hereketi etmeklik hemme awtomatlaşdyrylan ulgamlara ynanylyp durlanokdy, ýöne Xiaomi bu çözgüdi seriýalaýyn çykarylýan awtoulaglara ornaşdyrmagy hödürlän ilkinji kompaniýalaryň biri boldy...

17.11.2025 13:14
10k+

Chery krossoweri “Asman Merdiwany” synagyndan geçip bilmän, syýahatçylyk desgasyna zeper ýetirdi

Hytaýda Chery Fulwin X3L gibrid krossoweri Týanmen dagynda meşhur “Asman Merdiwanyna” çykyp bilmedi we syýahatçylyk desgasyna zeper ýetirdi diýip, Jimu News habar berýär. Awtomobil basgançaklara çykmaga synanyşdy, ýöne yza gaýdyp baryp germewe uruldy...

13.11.2025 11:02
6.1k+

Hytaýda 17 müň dollardan Hyundai Mufasa 2026-nyň satuwa başlandy

Hytaýda Hyundai Mufasa 2026 täze ykjam krossoweriniň satuwy başlandy. Model üç görnüşde hödürlenýär, onuň bahasy 121 800 – 142 800 ýuan aralygynda bolup, bu takmynan 17 100 – 20 000 amerikan dollaryna deňdir. Ähli wersiýalarda 2,0 litrlik, 160 at güýjüni öndürýän hereketlendiriji we alty tizlikli awtomatiki geçiriş oturdylan...

11.11.2025 12:37
6k+

Hytaý krossoweri iň uzak aralyga ýöreýän gibrid hökmünde Ginnesiň rekordlar kitabyna girdi

Hongqi kompaniýasy öz täze HS6 gibrid krossoweriniň dünýäde iň uzak aralyga ýöreýän zarýad berilýän gibrid wnedorožnik hökmünde Ginnesiň rekordlar kitabyna girizilendigini mälim etdi. Bu barada Autohome portaly habar berýär...