2024-nji ýylyň 4-6-njy dekabrynda Aşgabatda Türkiýäniň eksport önümleriniň sergisi geçiriler. Bu barada Türkiýe Respublikasynyň Türkmenistandaky täze bellenen ilçisi Ahmet Demirok metbugat maslahatynda habar berdi.
«Sergiler Türkmenistan bilen täjirçilik gatnaşyklarymyzyň möhüm bölegini emele getirýär» diýip, diplomat belledi we 2023-nji ýylyň 6-8-nji dekabrynda Türkiýäniň wise-prezidentiniň amala aşyran saparynyň çäklerinde türkmen paýtagtynda geçirilen öňki sergini ýatlady.
Demirok sergä Türkiýeden 90 töweregi kompaniýanyň gatnaşandygyny aýtdy.
Ol: «Ýarmarka örän netijeli geçdi hem-de türkmen we türk kompaniýalarynyň arasyndaky hyzmatdaşlygyň ösmegine goşant goşdy» diýip, nygtady.
Şeýle hem ilçi köp sanly türk kompaniýasynyň 2024-nji ýylyň maý aýynda geçirilmegi meýilleşdirilýän azyk önümçiliginiň döwrebap tehnologiýalarynyň «Agro-Pak Türkmenistan» atly halkara sergisine gatnaşmagy meýilleşdirýändigini habar berdi. 2023-nji ýylyň 28-30-njy noýabrynda geçirilen öňki sergä 17 türk kompaniýasy gatnaşdy. Demirok olaryň şu ýyl has köp boljakdygyny aýtdy.
