Ýaponiýanyň Aerokosmiki gözleg gullugy (JAXA) Aýyň üstüne üstünlikli gonan özüniň SLIM Aý modulynyň ilkinji suratyny çap etdi. IXBT.com-nyň bellemegine görä, Ýaponiýanyň kosmos programmasy üçin bu uly üstünlik, sebäbi ol Ýeriň emeli hemrasyna modulyny ýumşak gondurmagy üstünlikli amala aşyran bäşinji ýurt boldy.
Modulyň suraty SLIM-iň bortunda Aýa getirilen we gonmazdan ozal aşak düşürilen kiçijik Lunar Rover LEV-2 (ýa-da SORA-Q) tarapyndan düşürildi. Surat modulyň başaşak gonandygyny görkezýär, bu bolsa Gün panelleriniň işlemezligine sebäp boldy. Şol sebäpli enjamyň batareýasy zarýad almaýar, ýöne JAXA Gün asmanda ýerleşişini üýtgedensoň, modulyň gaýtadan işlemegine umyt baglaýar diýip, INTERFAX habar berýär.
Bu surat iki roweriň arasynda aragatnaşygyň bardygyny tassyklaýan başga bir rower - LEV-1 arkaly Ýere iberildi.
Hemranyň üstüne takyk we gözegçilikde gonmagyň mümkindigini görkezýän SLIM missiýasynyň esasy maksady üstünlikli tamamlandy: zond bellenen nokatdan bary-ýogy 55 metr uzaklykda hasaplanýar.
