Berlin film festiwalynyň maksatnamasy yglan edildi. Bäsleşige Türkmenistanda işlän režissýoryň filmi hem gatnaşýar

  • 24.01.2024 17:55
  • 11638
Berlin film festiwalynyň maksatnamasy yglan edildi. Bäsleşige Türkmenistanda işlän režissýoryň filmi hem gatnaşýar

74-nji Berlin halkara film festiwalynyň esasy bäsleşiginiň maksatnamasy yglan edildi. Guramaçylar doly sanawy serginiň resmi web sahypasynda çap etdiler.

Berlinalyň esasy baýragy bolan “Altyn aýy” üçin 20 film, şol sanda Oliwýe Assaýas, Mati Diop, Hon San-su, Brýuno Dýumon we Abderrahman Sissako ýaly tanymal režissýorlaryň işleri bäsleşer.
Soňky agzalan kinorežissýoryň karýerasynyň Türkmenistan bilen aýrylmaz baglanyşyklydygyny belläliň. WGIK-i gutaran, mawritaniýaly Abderrahman Sissako 1989-njy ýylda türkmen aktýorlarynyň gatnaşmagynda 23 minutlyk “Oýun” (Le Jeu) filmini surata düşüripdi. Onuň “Timbuktu” dramasy 2015-nji ýylda iň gowy daşary ýurt filmi ugry boýunça “Oskar”-a dalaşgär görkezildi we Kan film festiwalynda-da baýrak aldy.
Şeýle hem bu programmada iki sany çeper film we iki dokumental film bar.
Festiwal baş keşpde “Oppengeýmer”-iň ýyldyzy Killian Merfiniň oýnamagynda Irlandiýa-Belgiýanyň “Şeýle ownuk zatlar” filmi bilen açylar.
Berlin film festiwaly 15-25-nji fewral aralygynda geçiriler. Aktrisa Lýupita Niongo (“12 ýyl gulçulykda”, “Biz”) esasy bäsleşigiň emin agzalarynyň başlygy wezipesine saýlandy.

  • · “Şeýle ownuk zatlar” (Small Things Like These), Tim Milants
  • · “Başga çykalga” (Another End), Pýero Messina
  • · “Arhitekton” (Architecton), Wiktor Kosakowskiý
  • · “Gara çaý” (Black Tea), Abderrahman Sissako
  • · “Aşhana” (La Cocina), Alonso Ruispalasios
  • . “Dagomeýa” (Dahomey), Mati Diop
  • . “Başga adam” (A Different Man), Aaron Şimberg
  • · “Imperiýa” (L'Empire), Brýuno Dýumon
  • · “Ýeňiş” (Gloriýa!), Margerita Wikario
  • · “Togtap galan wagt” (Hors du temps), Oliwýe Assaýas
  • · “Hildydan söýgi bilen” (In Liebe, Eure Hilde), Andreas Drezen
  • · “Iň halaýan süýjüligim” (Keyke mahboobe adam), Betaş Saneha, Miriam Mokwadam
  • · Langue Etrangere, Kler Býurger
  • · “Men kime degişli” (Me el Ain), Merýam Žuber
  • · "Pepe" Nelson Karlos De Los Santos Arias
  • · “Şambala” (Shambhala), Min Baadur Bam
  • · “Ölüm” (Sterben), Mattias Glasner
  • · "Iblisiň hammamy" (Des Teufels Bad), Sewerin Fiala, Weronika Frans
  • · “Ogullar” (Vogter), Gustaw Meller
  • · "Syýahatçynyň hajatlary" (Yeohaengjaui pilyo), Hon San-su

 2023-nji ýylda Berlinale-niň ýeňijisi Pariždäki ruhy keseller klinikasy barada gürrüň berýän, fransuz režissýory Nikolýa Filiberiň “Adamantda” dokumental filmi bolupdy.

düýn 23:59
133

Mettýu MakKonahi we Amerika Ferrera çagalary ýangyn zolagyndan halas etmek baradaky dramada baş keşbi janlandyrarlar

“Ýitirilen awtobus” atly täze dramada Mettýu MakKonahi we Amerika Ferrera çagalary tokaý ýangyny zolagyndan halas eden gahrymanlaryň keşbini ýerine ýetirer. Film Kaliforniýada 2018-nji ýylda ştatyň taryhynda iň...

düýn 23:58
113

“Sezar” baýragynyň ýeňijileri yglan edildi. Ýylyň ýeňijisi “Aşak gaçyşyň  anatomiýasy” boldy

Fransiýanyň Kinematografiýa sungaty akademiýasy Sezar baýragynyň ýeňijilerini yglan etdi. 49-njy baýrak gowşurylyş dabarasy 24-nji fewralda Parižiň “Olimpiýa” teatrynda geçirildi diýip, Variety neşiri habar berýär...

düýn 09:53
6092

Tom Kruz Oskar baýragynyň eýesi Alehandro Inýarritunyň täze filminde oýnar

“Missiýany ýerine ýetirmek mümkin däl” filminiň gahrymany Tom Kruz drama kinosyna gaýdyp gelýär: aktýor Oskar baýragyna eýe bolan režissýor Alehandro Gonsales Inýarritunyň (“Guş-adam”, “Diri galan”) täze filminde...

düýn 09:52
18983

Kongoly “göze ilmezek” guşuň ilkinji suraty peýda boldy. Ol "ýitirilen" görnüşleriň sanawyna girizilipdi

Kongoda geçirilen ekspedisiýa 20 ýyllap göze ilmän galan sary hüpükli, tuwulga kelle guşuň (Prionops alberti) seýrek görnüşini bellige aldy. Açyk sary “tuwulgaly” gara guş öň “ýitirilen” diýip hasaplanýardy. "Haýtek"...