22-nji ýanwarda wise-premýer, Türkmenistanyň daşary işler ministri Raşid Meredow Tokio şäherine iş saparynyň çäklerinde Ýaponiýanyň Ministrler Kabinetiniň Baş sekretary Ýosimasa Haýasi bilen duşuşdy. Bu barada Ýaponiýanyň DIM-niň saýtynda habar berilýär.
Haýasi türkmen diplomatyny Ýaponiýada mähirli garşy alyp, Noto ýarymadasynda bolup geçen ýertitremesine Türkmenistanyň bildiren gynanjyna minnetdarlyk sözlerini beýan etdi.
Taraplar ikitaraplaýyn gatnaşyklary mundan beýläk hem berkitmek barada, şeýle hem Merkezi Aziýa we Ýapponiýa formatynyň çäklerinde gatnaşyklar barada pikir alyşdylar.
Ýapon Hökümetiniň Baş sekretary 2022-nji ýylyň dekabrynda "Merkezi Aziýa+Ýaponiýa" diaolygynyň çäklerinde daşary işler ministrleriniň 9-njy duşuşygynyň çäklerinde bilim we medeniýet ulgamynda hyzmatdaşlygy berkitmek barada gepleşikleri ýatlap geçdi.
Meredow we Haýasi dürli ugurlarda, şol sanda ykdysadyýet ulgamynda ýakyn hyzmatdaşlygyň möhüm ähmiýetini belläp geçdiler. Dekarbonlaşdyrmaklyga we akademiki ugurlaryň meselelerine aýratyn üns berildi.
