Türkmenistanyň Baş prokurory wezipesine Begmurat Muhamedow bellenildi. Degişli Permana Prezident Serdar Berdimuhamedow 16-njy ýanwarda geçirilen Döwlet howpsuzlyk geňeşiniň giňişleýin göçme mejlisinde gol çekdi.
Serdar Berdimuhamedow Baş prokurora ýolbaşçylyk edýän düzümleriniň maddy-enjamlaýyn binýadyny döwrüň talabyna görä pugtalandyrmak, prokuratura işgärleriniň ýaşaýyş-durmuş şertlerini gowulandyrmak boýunça işleri üstünlikli dowam etmegi tabşyrdy.
Belläp geçsek, Türkmenistanyň öňki Baş prokurory S.Mälikgulyýew prokuratura edaralarynyň işini pes derejede gurap, wezipe borçlaryny talabalaýyk ýerine ýetirmändigi üçin, Türkmenistanyň Mejlisiniň razylygy bilen wezipesinden boşadyldy.
Begmurat Rahmangulyýewiç Muhamedow mundan öň Türkmenistanyň Mejlisiniň Halkara we parlamentara aragatnaşyklar baradaky komitetiniň başlygy wezipesini ýerine ýetirýärdi.
2021-nji ýylyň oktýabryna çenli ol Türkmenistanyň adalat ministri wezipesinde işledi, şondan soň ol Türkmenistanyň Daşary işler ministrliginiň ygtyýaryna iberilipdi.
