2024-nji ýylyň 15-nji ýanwaryndan başlap, Türkmenistanda hasaba alnan halkara gatnawlaryny amala aşyrýan ýük awtoulag serişdelerine daşary ýurt döwletleriniň rugsatnamalaryny bermek we resmileşdirmek çäk degişliligi boýunça «Türkmenawtoulaglary» agentliginiň «Türkmenulaggözegçilik» döwlet kärhanasynyň bölümleri, ýagny Ahal welaýatynda we Aşgabat şäherinde Rugsatnamalar we resminamalary seljeriş bölümi, sebitlerde bolsa Balkan, Daşoguz, Lebap hem-de Mary welaýatlary boýunça ulaggözegçilik bölümleri, şeýle hem, Özbegistan, Gazagystan we Azerbaýjan Respublikalarynyň rugsatnamalaryny bermek hem-de resmileşdirmek bolsa Döwlet serhediniň üstünden geçilýän gözegçilik-geçiriş ýerlerindäki ulaggözegçiligi gullugy tarapyndan amala aşyrylýar. Bu barada "Türkmenawtoulaglary" agentligi resmi saýtynda habar berýär.
Mundan başga-da, Azerbaýjan Respublikasynyň rugsatnamalaryny bermek we resmileşdirmek Türkmenbaşy halkara deňiz porty gözegçilik-geçiriş ýerinden çykýanlar üçin gözegçilik-geçiriş ýeriniň özünde, we beýleki awtoýol gözegçilik-geçiriş ýerlerinden çykýanlar üçin (Artyk, Howdan, Sarahs, Garabogaz, Altyn asyr) Azerbaýjan Respublikasynyň üsti bilen gelýän ýükleri getirýän awtoulag serişdeleriniň daşaýjylaryna, awtoulag serişdeleriniň hasaba alnan çäk degişliligi boýunça «Türkmenulaggözegçilik» döwlet kärhanasynyň degişli bölümleri tarapyndan amala aşyrylýar.
Ahal welaýatynda we Aşgabat şäherinde Rugsatnamalar we resminamalary seljeriş bölümi:
Salgysy: Aşgabat şäheri, Arçabil şaýoly, 126-njy jaý.
Telefon belgisi: +993 12 39-02-61.
Döwlet serhediniň üstünden geçilýän gözegçilik-geçiriş ýerlerde ulaggözegçiligi gullugy:
Salgysy: Aşgabat şäheri, Arçabil şaýoly, 126-njy jaý.
Telefon belgisi: +993 12 39-02-74.
Balkan welaýaty boýunça ulaggözegçilik bölümi:
Salgysy: Balkan welaýatynyň Balkanabat şäheriniň Beýik Ýüpek ýoly köçesiniň ugrynda ýerleşýän ýolagçy awtomenzili.
Telefon belgisi: +993 61 08-86-62.
Daşoguz welaýaty boýunça ulaggözegçilik bölümi:
Salgysy: Daşoguz welaýatynyň Köneürgenç şäheriniň Ylham köçesiniň 5-nji jaýy.
Telefon belgisi: +993 322 6-64-95.
Lebap welaýaty boýunça ulaggözegçilik bölümi:
Salgysy: Lebap welaýatynyň Türkmenabat şäheriniň 2-nji senagat zolagyndaky Mary-Türkmenabat şossesiniň ugrunda ýerleşýän «Altyn-asyr» awtoduralgasy.
Telefon belgisi: +993 61 94-54-44.
Mary welaýaty boýunça ulaggözegçilik bölümi:
Salgysy: Mary welaýatynyň Mary şäheriniň Ýeňişiň 50-ýyllygy köçesi 52-nji jaýy.
Telefon belgisi: +993 522 5-60-28.
