Türkmenistanyň DIM-inde Täjigistanyň ilçisi bilen duşuşuk geçirildi

  • 10.01.2024 16:02
  • 2.3k+

9-njy ýanwarda Türkmenistanyň Daşary işler ministriniň orunbasary Ahmet Gurbanow bilen Täjigistanyň Adatdan daşary we Doly ygtyýarly wekili Wafo Niýatbekzodanyň arasynda duşuşyk geçirildi.

Duşuşykda taraplar syýasy-diplomatik, söwda-ykdysady, medeni-ynsanperwer ugurlarda ikitaraplaýyn hyzmatdaşlygy ösdürmegiň geljegini ara alyp maslahatlaşdylar.
2023-nji ýylyň 10-11-nji maýynda Türkmenistanyň Prezidenti Serdar Berdimuhamedowyň Täjigistana amala aşyran döwlet saparynyň öndürijilikli häsiýeti beýan edildi, onuň dowamynda taraplaryň ikitaraplaýyn hyzmatdaşlygy has-da pugtalandyrmaga ygrarlydyklary tassyklanyldy.
Munuň bilen birlikde, taraplar söwda we ykdysady hyzmatdaşlygyň häzirki ýagdaýyna üns berdiler. Şunuň bilen baglylykda ýurtlaryň arasyndaky söwda dolanyşygyny ýokarlandyrmagyň zerurlygy bellendi. Şol bir wagtyň özünde, 2023-nji ýylyň noýabr aýynda Duşenbe şäherinde geçirilen Söwda-ykdysady we ylmy-tehniki hyzmatdaşlyk boýunça Hökümetara toparynyň mejlisiniň kararlaryny çözgütlerini durmuşa geçirmegiň gidişini seredilip geçildi.
Diplomatlar medeni we ynsanperwer ugurda ýakyn gatnaşyklary dowam etdirmegiň zerurdygyny bellediler. Bu nukdaýnazardan, Aşgabatda we Duşenbe şäherinde Türkmenistanyň we Täjigistanyň Medeniýet günlerini geçirmek tejribesini dowam etdirmegiň wajyplygy bellendi.
Parlamentleriň arasynda mundan beýläkki hyzmatdaşlygyň ösdürilmegi we iki ýurduň parlamentarlarynyň saparlaryny alyşmagyň geljegi barada pikir alşyldy diýip, Türkmenistanyň DIM-niň Metbugat gullugy habar berdi.


şu gün 00:36
499

Balkan welaýaty Gazagystanyň Mangistau welaýaty bilen strategik hyzmatdaşlygyň maksatnamasy ylalaşyldy

28-nji awgustda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystanyň Mangistau welaýatyna bardy diýip, Türkmenistanyň DIM-nde habar berdiler...

düýn 19:50
3.9k+

Serdar Berdimuhamedow dört günlük iş sapary bilen Hytaýa bardy

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi...

30.08.2025 18:33
11k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

30.08.2025 18:18
5.5k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...