Ýanwar aýynyň başynda dokuzynjy nesil GAC Toyota Camry-niň deslapky satuwy başlandy. 2,0 litrlik benzin hereketlendirijili ýangyç bilen işleýän görnüşi we bahasy 24 500 dollardan 28 000 dollar aralygynda.
Gibrid görnüşi 25 600 dollardan başlap 29 500 dollar aralygynda bolar, eltip beriş 2024-nji ýylyň birinji çärýeginde başlar. 2,5 litrlik hereketlendirijili modeli ýurtda biraz soň yglan ediler.
Awtoulag täzelenen 12,3 dýuýmlyk merkezi dolandyryş ekrany, HUD baş ekrany, CarPlay, CarLife we HiCar arkaly smartfonlary birikdirmek üçin goldaw we bir çipli Qualcomm Snapdragon 8155 ulgamy aldy.
Ýangyç bilen işleýän görnüşiniň uzynlygy, ini we beýikligi degişlilikde 4915, 1840 we 1450 mm, tigir bazasy 2825 mm we iň ýokary tizligi sagatda 205 km. Daş görnüşi boýunça gibrid model ýangyç görnüşinden känbir tapawutlanmaýar: uzynlygy, ini we beýikligi degişlilikde 4950, 1850 we 1450 mm.
Täze Camry-ä ýakymly yslary üýtgetmek üçin ses dolandyryşy hem goşuldy. Gibrid görnüşi 100 km-e 4,2 l ýangyç sarp edýär.
