«Arkadag» futbol toparynyň türgenleri we ýolbaşçylary bilen duşuşygynyň barşynda Gurbanguly Berdimuhamedow futbolçylaryň has-da kämilleşmegi bilen baglanyşykly meselelere zerur üns berilmelidigini belläp, dünýä ýurtlarynyň futbol toparlary bilen ýoldaşlyk duşuşyklaryny yzygiderli guramak bilen baglanyşykly meseleleri işjeň öwrenmegi tabşyrdy.
Munuň özi futbolçylaryň tejribe toplamaklary, olaryň kämillik derejesiniň ýokarlanmagy, olimpiýa hereketiniň yzygiderli ösdürilmegi üçin bolşy ýaly, türkmen sportunyň dünýä ýüzündäki abraýynyň belende galmagynda aýratyn ähmiýetlidir.
Gurbanguly Berdimuhamedow Köpugurly sport toplumynyň daşynda «Arkadag» futbol toparynyň yzygiderli türgenleşikleri geçirmekleri, olar üçin ýokary derejeli mümkinçilikleriň döredilmegi bilen baglanyşykly meseleleri yzygiderli gözegçilikde saklamagy tabşyrdy.
