It Home portalynyň habaryna görä, Xiaomi Italiýanyň awtoulag markasy bolan Lamborghini-niň stilinde döredilen Redmi K70 Pro smartfonlarynyň çäklendirilen seriýasyny çykardy. Squadra Corse -iň täze çykaran gajetiniň bahasy 650 dollar.
Çäklendirilen hatardaky enjamlar bary-ýogy 40 nusgada öndürildi we awtoulag markasynyň iki şereket öwüşgininde - sary we ýaşyl. Täze önümler Lamborghini Essenza SCV12 sport awtoulagynyň ruhundaky dizaýny bilen Redmi K70 Pro-nyň adaty görnüşinden tapawutlanýar.
Galan ýagdaýlarda täze önümleriň adaty Redmi K70 Pro modellerinden tapawudy ýok. Şeýle hem, olar häzirki wagtda Android enjamlary üçin elýeterli iň güýçli prosessorlardan biri bolan Qualcomm Snapdragon 8 Gen 3 çipset bilen üpjün edilýär.
Şeýle hem, täze önümler 24 Gb RAM bilen bilelikde işleýär, maglumat saklaýyş kuwwaty 1 TB. Şol bir wagtyň özünde, enjamlar 120 Wt çalt zarýad bermek üçin 5000 mAh akkumulýator bilen üpjün edildi.
Şeýle hem, smartfonlarda 2K durulykda OLED ekrany, 50 megapiksel esasy kamera, 50 megapiksel telefon linzasy we ultra giň burçly linzaly 12 megapiksel kamera bar.
