Ýakynda Prezident Serdar Berdimuhamedowyň «Ýaşlar – Watanyň daýanjy» atly kitaby çapdan çykdy. Bu barada döwlet Baştutany 25-nji dekabrda welaýat häkimleri bilen sanly ulgam arkaly geçirilen iş maslahatynyň barşynda habar berdi.
«Ýaşlaryň gazanýan üstünlikleri bizi örän guwandyrýar. Ýakynda «Ýaşlar – Watanyň daýanjy» atly kitabym çapdan çykdy. Kitapda ýurdumyzyň ýaşlarynyň häzirki döwürde ýeten sepgitleriniň, gazanan üstünlikleriniň jemi jemlenýär diýip, Serdar Berdimuhamedow belledi we bu kitabyň Arkadag Serdarly bagtyýar ýaşlar ýylynyň jemlerine bagyşlanyp, 27-nji dekabrda geçiriljek halkara ylmy-amaly maslahatyna we sergisine sowgat boljakdygyny aýtdy.
«Men bu kitabyň ilkinji sanyny Gahryman Arkadagymyza sowgat hökmünde iberýärin» — diýip Serdar Berdimuhamedow aýtdy.
