Hindistanyň Güne tarap uçuran stansiýasy 6-njy ýanwarda Lagranž L1 nokadyna ýeter

  • 25.12.2023 12:04
  • 7.6k+

Hindistanyň Aditya-L1 Güni öwreniş kosmos stansiýasy 6-njy ýanwarda missiýanyň iň soňky nokadyna (Lagranž L1 nokady) ýeter we ol ýerden Güne gözegçilik eder. Bu barada Hindistanyň kosmos gözlegleri guramasynyň (ISRO) başlygy Şridhara Somanath žurnalistlere habar berdi.

"Aditya-L1 6-njy ýanwarda L1-e nokadyna girer" – diýip, ol nygtady we "takyk wagtynyň degişli wagtda yglan ediljekdigini" aýtdy. Somanath: "Stansiýa L1 nokadyna ýetende, ondan aňry hereket etmeginiň öňüni almak üçin hereketlendirijini täzeden işletmeli bolarys" –diýip belledi.

Enjam L1 nokadynda üstünlikli oturdylandan soň, geljekki bäş ýylyň dowamynda ol  şol ýerde galar we diňe bir Hindistan üçin däl, eýsem, bütin dünýä üçin möhüm maglumatlary ýygnar diýip, ISRO-nyň başlygy düşündirdi. Ol: "Bu maglumatlar Günde bolup geçýän hadysalara we onuň durmuşymyza edýän täsirine düşünmek üçin örän peýdaly bolar" – diýip nygtady.
Aditya-L1 2-nji sentýabrda Ýeriň orbitasyna çykarylypdy. Üç hepde töweregi wagtdan soň, enjam Ýerden 1,5 million km uzaklykda ýerleşýän Lagranž L1 nokadyna barýan ýoluň traýektoriýasyna geçirildi. Gün-Ýer ulgamynda Lagranž L1 nokady kosmos stansiýasy üçin Güni synlamaga amatly ýerdir. Bu ýerde onuň öňüne Aý hem,Ýer hem gabat bolmaýar.


29.10.2025 11:02
3.9k+

Alymlar birnäçe ösümlikleriň rak keseline garşy täsiriniň bardygyny tassykladylar

Yrakly, hindistanly we russiýaly alymlar Hytaýyň halk lukmançylygynda ulanylýan birnäçe ösümlikden alnan maddalary barladylar we olaryň iň azyndan sekizsinde rak keseline garşy täsirleriň bardygyny subut etdiler...

29.10.2025 10:52
1.5k+

Mýanmada molýuskalaryň iki täze görnüşi tapyldy

Halkara alymlar topary Mýanmada süýji suwda ýaşaýan korbikul (Corbicula) tohumyna degişli molýuskalaryň iki täze görnüşini we sferokorbikul (Sphaerocorbicula) atly täze kiçi tohumy ýüze çykardylar. Şeýlelikde, tohumyň doly klassifikasiýasy täzeden anyklandy...

27.10.2025 16:42
6.1k+

Türkmenistanly okuwçylar Panamada geçiriljek «Robotlaryň olimpiadasyna» ugradylar

Türkmen mekdep okuwçylary robototehnika boýunça halkara derejeli abraýly bäsleşik hasaplanýan "First Global Challenge 2025" ýaryşyna gatnaşarlar. «Robotlaryň Olimpiadasy» diýlip hem atlandyrylýan bu ýaryş 29-njy oktýabrdan 1-nji noýabra çenli Panamada geçirilip, dünýäniň 190 döwletinden gatnaşyjylary bir ýere jemlär...

27.10.2025 00:07
4.1k+

Ylmy barlaglaryñ netijesi: Tokaýlar bagtly bolmaga we durmuşdan kanagatlanmaga täsir edýär

Soňky ýyllarda dünýäniň iň bagtly ýurtlarynyň sanawynda Finlýandiýa yzygiderli birinji orunda durýar. Şol bir wagtda ol Ýewropanyň iň tokaýly ýurtlarynyň biridir. Bu ýagdaý halkara alymlaryň ünsüni özüne çekdi — olar finleriň gündelik durmuşynda tokaýlaryň bagt duýgusyna gönüden-göni täsir edýändigini anykladylar...