Google Play-da programmalary uzak aralykdan bozmak funksiýasy peýda bolar

  • 22.12.2023 13:09
  • 4.3k+

Google kompaniýasy öz programmalar dükany üçin täze funksiýany işe girizmäge taýýarlanýar. Google Play hyzmatlarynyň dekabr aýyndaky täzelenmesi ulanyjylara birikdirilen gurluşlardan programmalary uzak aralykdan bozmaga mümkinçilik berýän synag opsiýasyny öz içine alýar. Täzelik heniz iş ýüzünde güýje girenok. Bu funksiýanyň soňrak resmi we umumy elýeterli bolmagyna garaşylýar. Ýöne TheSpAndroid tehnoblogeri bu funksiýany eýýäm synagdan geçirdi we işiň jikme-jiklikleri bilen paýlaşdy. Muny rbclife.ru ýetirýär.

Ol geljekde bu funksiýa isleg bildirýänleriň ählisiniň elýeterli bolup biljekdigini ýazýar. Munuň üçin Play Store programmasynda “Programmalary we gurluşy dolandyrmak” bölümine girmeli. Soňra:

  • “Dolandyryş” sahypasyna geçmeli;
  • Ähli birikdirilen gurluşlaryň sanawy peýda bolar ýaly häzirki gurluşyň adyna basmaly we ulanyjynyň göz öňünde tutýan gurluşyny saýlamaly;
  • Programmalar sanawyndan bozmaly programmany saýlamaly;
  • Sag tarapdan ýokarky burçdaky bozmak nyşanjygyna basyp, amaly tamamlamaly.

Haçan-da ulanyjy Google Play Store-dan Android-e bir programmany gurnanda, ulgam bu programmany beýleki gurluşlara-da gurnamagy teklip edýär. Indi şeýle ssenariýa boýunça olary beýleki gajetleriňizden uzak aralykdan bozup bilersiňiz.
Şeýle-de, bu funksiýa programmalary eýeleýän ýadynyň göwrümine görä tertipleşdirmäge mümkinçilik berer. Netijede, agyr programmalary anyklamak aňsat bolar we olary zerur bolan ýagdaýynda aýryp, gurluşyň öndürijiligini ýokarlandyrmak bolar.


27.07.2025 20:19
2.6k+

Google DeepMind emeli aňa latyn ýazgylarynyň ýitirilen böleklerini dikeltmegi öwretdi

Google DeepMind kompaniýasy gadymy latyn ýazgylarynyň ýitirilen böleklerini dikeltmäge ukyply Aeneas atly açyk neýroulgamy döretdi. Maglumat taslamanyň resmi web sahypasynda ýerleşdirildi. Işläp taýýarlama taryhçylara we epigrafistlere Rim ýazuwynyň zeper ýeten ýadygärliklerini düşündirmäge kömek etmegi maksat edinýär...

25.07.2025 11:50
4.8k+

Samsung köne smartfonlary Galaxy Z Fold 7 bilen çalyşmak programmasyny giňeltdi: Pixel 9 goşuldy

Samsung ulanyjylaryň köne smartfonlaryny Galaxy Z Fold 7 smartfonyna çalyşmagy üçin trade-in programmasynyň şertlerini täzeledi. Çalşyp boljak gurluşlaryň sanawyna ozal programma girmeýän Pixel 9 hatary hem goşuldy...

20.07.2025 17:33
4.2k+

Google 20-nji awgustda tanyşdyryş dabarasynda Pixel 10 seriýasyny we beýleki enjamlary görkezer

Google 20-nji awgustda täze enjamlarynyň tanyşdyryş dabarasyny geçirjekdigini mälim etdi. Esasy üns  Pixel 10 smartfon seriýasyna gönükdiriler diýip, The Verge ýazýar. Syzdyrylan maglumatlara görä, Pixel 10-yň esasy modeli täzelenen kamera bölümini alar – iki modulyň ýerine üçüsi bolar...

18.07.2025 06:46
1.5k+

Android bilen ChromeOS smartfonlar, planşetler we noutbuklar üçin bir OS-a birleşdiriler

Google kompaniýasy Android we ChromeOS ulgamlarynyň esasynda bir umumy operasion ulgamyň işlenip taýýarlanýandygyny resmi taýdan tassyklady. Maglumaty Android ekoulgamynyň prezidenti Samir Samat tassyklady. Ulgamlary birleşdirmek boýunça işler eýýäm birnäçe ýyl bäri alnyp barylýar...