Türkmenistanyň Maliýe we ykdysadyýet ministrligi geljek ýyl ýurduň Döwlet býujetiniň serişdeleriniň nähili paýlanjakdygy baradaky maglumat berdi. Degişli maglumatlar Türkmenistanyň Mejlisiniň ykdysady meseleler boýunça komitetiniň başlygy Guwançmyrat Agaýew tarapyndan berilýär.
Şeýlelikde, ýurduň esasy maliýe resminamasynda durmuş maksatly ulgama gönükdiriljek serişdeler 77,3 göterim möçberde göz öňünde tutulan. Şolardan 36,6 göterimi bilime, 13,5 göterimi saglygy goraýşa, 2,9 göterimi medeniýete, 37,8 göterimi döwlet durmuş üpjünçilik ulgamyna, 9,2 göterimi ýaşaýyş jaý-jemagat hojalygyna harçlanar.
Geljek ýyl Aşgabat şäheriniň býujeti 2023-nji ýylyň görkezijisi bilen deňeşdirilende, 10,8 göterim ýokary bolar. Ahal welaýatynyň býujeti üstümizdäki ýyl bilen deňeşdirilende 7,1 göterim, Balkan welaýatynyň býujeti 9,5 göterim, Daşoguz welaýatynyň býujeti 9,4 göterim, Lebap welaýatynyň býujeti 9,2 göterim, Mary welaýatynyň býujeti 8,1 göterim ýokary bolar.
Ýurduň ykdysadyýetiniň önümçilik maksatly desgalarynyň gurluşygyna maýa goýumlaryň umumy möçberinden 67,8 göterimi, önümçilik däl maksatly desgalaryň gurluşygyna 32,2 göterimi harçlanar.
Umuman, Türkmenistanyň 2024-nji ýyl üçin býujeti 2023-nji ýyldakydan 12,8% ýokary bolar.
