2023-nji ýylda ylmy makalalar pudagy antirekord goýdy. Bu döwürde yzyna alnan ylmy makalalaryň sany on müňden geçdi. Bu barada mail.ru «Nature» žurnalyna salgylanyp habar berýär.
Makalalar dürli sebäplere görä yzyna alnyp bilner. Mysal üçin, käbir alymlar belli bir ugurda üstünlik gazandylar, synaglar geçirdiler we bu barada žurnalda çap etdiler. Şeýle-de bolsa, beýleki bilermenler şol netijäni gazanyp bilmediler. Bu ölçeg ýalňyşlyklary ýa-da netijeleriň nädogry düşündirilmegi bilen baglanyşykly bolup biler. Şeýle-de bolsa, materiallaryň neşirlerden aýrylmagyna sebäp bolan başga bir faktor has gyzykly bolup çykdy.
Yzyna alnan on müň makalanyň aglaba bölegi ýasama bolup çykdy. Olar diňe daşyndan hakyky görünýär, hakykatda bolsa olar “kagyz fabrikleri” – galp neşirleri öndürýän we satýan guramalar tarapyndan döredilýär. Alymlara dürli sebäplere görä ylmy işler gerek bolýar. Şonda olar hakyky barlag geçirmezden, bar bolan maglumatlary alýarlar, olaryň köpüsi bolsa ýasama bolup çykýar.
