Meşhur ýaponiýaly aktrisa we telealypbaryjy Tesuko Kuroýanaginiň çagalygy we mekdep durmuşy baradaky ýatlamalary görnüşinde çap edilen memuarlary iň uly tiražly awtobiografik neşir hökmünde Ginnesiň rekordlar kitabyna girdi. Bu barada “Kodansha” neşirýatyna salgylanyp, TASS habar berýär.
“Totto-týan, penjiräniň öňündäki kiçijik gyz” atly kitap 1981-nji ýylda neşir edildi we şondan bäri dünýäde 25 milliondan gowrak nusga çapdan çykdy. Ol ýigrimiden gowrak dile terjime edildi.
“Totto-týan, penjiräniň öňündäki kiçijik gyz” çagalar kitaby hasaplanýar, ýöne tankytçylaryň bellemegine görä, ol çaganyň psihologiýasyna düşünmäge mümkinçilik berýänligi sebäpli uly ýaşly adamlaryň arasynda-da meşhurdyr. Kuroýanagi memuarlarynda mekdep günleri, dostlary we mugallymlary bilen gatnaşyklary barada gürrüň berýär.
