«Bawariýanyň» we Angliýanyň futbol boýunça milli toparynyň hüjümçisi Garri Keýn Germaniýanyň çempionatynda rekord goýdy.
Angliýanyň milli ýygyndysynyň kapitany bir möwsümde iň tiz 20 gol salan oýunçy boldy. Munuň üçin Keýne 14 oýun gerek boldy. Hüjümçi Bundesliga-nyň häzirki möwsüminde «Ştutgart» toparynyň derwezesine 19-njy we 20-nji pökgülerini girizdi. Oýun 17-nji dekabrda geçirilip, Mýunheniň toparynyň peýdasyna 3:0 hasabynda tamamlandy.
Mundan ozal Germaniýanyň çempionatynda bir möwsümde 20 gol netijäni iň çalt gazanan oýunçy Uwe Zeller bolupdy. Munuň üçin «Gamburgyň» öňki hüjümçisine 21 oýun gerek bolupdy.
Keýn geçen tomus «Tottenhemden» «Bawariýa» geçdi. Nemes kluby 30 ýaşly hüjümçi üçin 95 million ýewro töledi.
