“Nature” ylmy žurnalynyň hünärmenleri 2023-nji ýylda uly üstünlik gazanan alymlaryň sanawyny hödürledi. Bu barada MIR 24 habar berýär.
Reýtinge “tokaýlaryň dynuwsyz çapylmagynyň öňüni alan” Braziliýanyň daşky gurşaw ministri Marina Silwa we “Çandraýan-3” missiýasynyň ýolbaşçylarynyň biri Kalpana Kalahasti girdi. Ol missiýanyň Aýa gonmagyny taýýarlamakda aýgytly rol oýnady.
Şeýle-de, erkek syçanlaryň öýjüklerinden ýaşamaga ukyply jyns öýjüklerini döredendigi üçin (bu tehnologiýa ýitip gitmek howpy abanýan görnüşleri halas etmäge kömek edip biler) Kasuhiko Haýasi, diňe wodorod bombalarynda we ýyldyzlarda görlen ýadro reaksiýalaryny döredendigi üçin fizik Enni Kritçer hem-de global maýlama garşy göreş üçin Eleni Miriwili tapawutlandy.
Mundan başga-da, reýtinge emeli intellektli çat-boty dörediji Ilýa Suskewer, otag temperaturalarynda aşa geçirijilik barada sensasiýany “paş ediji” Jeýms Hemlin, horlanmak üçin serişde işläp taýýarlan Swetlana Moýsow, gyzzyrma garşy sanjym dörediji Halidu Tinto we rak keselini öwreniji Tomas Paulz girdi.
