Hytaý noýabr aýynda rekord 2 million 935 müň awtoulag satyp, awtoulag satmakda dünýäde öňdebaryjy bolmagynda galdy. Umuman, güýzüň soňky aýynda dünýäde 8 million 031 müň ýeňil ulag we ýeňil täjirçilik ulaglary satyldy. Bu barada “Awtostat” seljeriş gullugy LMC Automotive maslahat beriş kompaniýasyna salgylanyp habar berýär.
ABŞ-da noýabr aýynda 1 million 227 müň awtoulag satyldy. Günbatar Ýewropanyň awtoulag bazarlarynda 1 million 105 müň awtoulag satyldy. Gündogar Ýewropa ýurtlarynda awtoulag satuwy 359,1 müň birlik boldy. Günorta Amerikada söwda dellallary 235,4 müň awtoulagy satdylar.
Dünýädäki iň iri awtoulag bazarlarynyň arasynda Ýaponiýany (408,1 müň birlik), Koreýany (157,6 müň birlik) we Kanadany (137,7 müň birlik) aýratyn bellemelidiris.
