Hindistanyň gazna bazarynyň göwrümi Gonkongdan öňe geçip, göwrümi boýunça dünýäde ýedinji orunda durýar. Bu ýurduň ykdysady geljegi barada maýa goýujylaryň optimizminiň artmagy bilen şertlendirilendir. Bütindünýä gazna biržalary federasiýasynyň habaryna görä, noýabr aýynyň ahyryna çenli Hindistanyň Milli gazna biržasynyň umumy bazar kapitalizasiýasy, Gonkongyň bazary üçin 3,984 trillion dollar bilen deňeşdirilende, 3,989 trillion dollar boldy.
Hindi Nifty 50 görkezijisi iň ýokary derejesini ýene bir gezek täzeledi. Bu ýyl ol birden 16 göterim ýokarlandy. Munuň tersine, Gonkongyň Hang Seng görkezijisi ýylyň başyndan bäri 17% aşaklady.
Hindistan şu ýyl ajaýyp netijeleri görkezdi. Likwidliligiň ýokarlanmagy we ABŞ-nyň gaznasynyň pes girdejisi görnüşindäki global makroykdysady gurşawda gowulaşan dinamika, ýurduň gazna bazarlarynyň ösmegine goşant goşdy. Geljek ýyl dünýäniň iň köp ilatly ýurdy saýlawlar hem geçirer, analitikleriň pikiriçe, ol dolandyryjy milletçi «Bharatiýa janata parti» partiýasy üçin ýene bir ýeňiş getirip biler. Bu maýa goýujylary syýasatyň üýtgewsiz galjakdygyna ynandyrar, bu bolsa öz gezeginde ýakyn üç-dört aýyň içinde mundan buýanky ösüşlere sebäp bolup biler.
