Halkara pul gaznasynyň 2026-njy ýyl üçin taýýarlan «Dünýä ykdysadyýetiniň geljegi» atly täze hasabatyna görä, 2031-nji ýyla çenli Hindistan nominal Jemi içerki önüminiň (JIÖ) göwrümi boýunça Germaniýany, Ýaponiýany we Beýlik Britaniýany yzda galdyryp, dünýäniň iň uly üç ykdysadyýetiniň birine öwrüler.
Maliýe gaznasynyň çaklamasyna görä, ABŞ we Hytaý ösüşini dowam edip, olaryň her biri öz ykdysadyýetiniň göwrümini takmynan 6,6 trillion dollar artdyrar.
2031-nji ýyla çenli Hytaýyň ykdysadyýeti 27,5 trillion dollara ýeter, ýöne şonda-da amerikan ykdysadyýetinden takmynan 11,5 trillion dollar yza galar.
Iri döwletleriň arasynda iň çalt we iň ýokary ösüş Hindistanda bolar. HPG-nyň hasabatynda Hindistanyň JIÖ-niň 2031-nji ýyla çenli 63,5% ösjekdigi we 2028-nji ýylda 5 trillion dollardan aňry aşyp, Ýaponiýany we Beýlik Britaniýany, az wagt geçenden soň bolsa Germaniýany yzda galdyrjakdygy aýdylýar.
Mundan başga-da, ösüp barýan bazarlaryň arasynda Braziliýanyň we Meksikanyň hem ykdysady orunlary has güýçlener.
Hasabata laýyklykda, Russiýa dünýäniň iri ykdysadyýetleriniň arasynda 2031-nji ýyla çenli nominal JIÖ azaljak ýeke-täk döwlet bolar. Tiz wagtda Braziliýa, Kanada we Meksika dünýä reýtinginde Russiýadan öňe saýlanar. Bu ýagdaýyň esasy sebäpleri hökmünde ýurduň uglewodorod eksportyna garaşly bolmagy, önümçilik ösüşiniň gowşaklygy we şeýle-de günbatar döwletleriň girizen ykdysady çäklendirmeleriniň agramy görkezilýär.
