Teýlor Swiftiň “The Eras Tour” dünýä syýahaty girdeji ýygymy boýunça Ginnesiň rekordlar kitabyna girdi. Bu barada Guinness World Records saýtyna salgylanyp, gazeta.ru habar berýär.
Syýahat 1 mlrd dollar girdejiden geçip, Elton Jonyň öňki rekordyny ($939 mln) täzeledi – şonda aýdymçy bäş ýyllap tutuş dünýä boýunça hoşlaşyk konsertini alyp bardy. Teýlor Swiftiň “The Eras Tour” syýahaty, öz gezeginde, 2023-nji ýylyň mart aýynda başlady we 2024-nji ýylyň dekabr aýynda tamamlanar.
Saýt häzirki wagtda Swiftiň konsert syýahatynyň aýdymçy Beýonseniň “Renaissance World Tour” syýahatyndan iki esse köp gazanandygyny belleýär.
Ýatlap geçsek, 29-njy iýulda Teýlor Swiftiň muşdaklarynyň onuň Sietldäki konsertinde rekord seýsmiki işjeňligi görkezendigi habar berildi. Ol 2,3 bal ululykdaky ýertitremä barabar boldy.
6-njy dekabrda “Time” žurnaly Teýlor Swifti “ýylyň adamsy” diýip ykrar etdi. Ol bu at ugrundaky göreşde Barbiden, patyşa Karl III-den we Wladimir Putinden öňe geçdi.
