Billboard aýdym-saz neşiriniň wersiýasyna görä, Beýonse XXI asyryň iň uly pop ýyldyzy hökmünde ykrar edildi. Ol soňky 25 ýylyň iň gowy estrada ýerine ýetirijileriniň sanawynda birinji ýeri eýeledi.
Neşir onuň häzirki zaman estrada aýdym-sazynyň ösmegine ýetiren täsirini, üstünliklerini we goşandyny belläp geçdi.
Redaksiýa Beýonsäniň karýerasynda 32 heýkeljik alyp, “Gremmi” baýraklarynyň sany boýunça rekord goýandygyny bellediler. Şeýle hem, ol döwrümiziň iň atly ýerine ýetirijilerinden biri hökmünde ornuny berkitmek bilen 27 sany Billboard Music Awards baýragyny aldy.
Reýtingde Teýlor Swift ikinji, Rianna üçünji ýeri eýeledi. Şeýle hem ilkinji onluga Adel, Ariana Grande, Jastin Biber, Kanýe Uest, Britni Spirs, Ledi Gaga we Dreýk girdi.
Neşirde düşündirişlerine görä, sanaw žanrda özüni has açyk görkezen we müňýyllygyň başynda “pop aýdym-sazynyň beýikliginiň mysaly” bolan sazandalaryň gazananlaryny şöhlelendirýär.
