Britaniýanyň Superdry moda brendi Teýlor Swifti iň ýaraşykly stili bolan meşhur şahsyýet diýip atlandyrdy.
Hünärmenler 2021-nji ýylyň dekabr aýyndan 2024-nji ýylyň noýabr aýy aralygyndaky döwürde moda, egin-eşik we stil bilen baglanyşykly gözleg soraglaryny seljerdi. New York Post neşiriniň saýtynda ýerleşdirilen gözleg aýdymçynyň obrazy bilen her aý 83,2 müňden gowrak ulanyjynyň gyzyklanýandygyny görkezdi.
Ikinji orunda aýdymçy Garri Staýls ýerleşdi, onuň stili 20,8 müň ulanyjyny özüne çekýär.
Üçünji orny 20,7 müň gözleg görkezijisi bilen aktrisa Zendaýa eýeledi.
Repçi Kanýe Uest dördünji orunda ýerleşdi. 2000-nji ýyllarda sazanda dürli moda kompaniýalary bilen hyzmatdaşlykda Yeezy brendini döretdi. Şeýle-de, ol dizaýner hökmünde Nike, Louis Vuitton we Adidas ýaly kompaniýalar bilen işleşdi.
Ilkinji bäşligi obrazyny eýýäm birnäçe gezek üýtgeden aýdymçy Billi Aýliş jemleýär.
