Bruno Mars Spotify-niň taryhynda aýda 150 million diňleýjä ýeten ilkinji sazanda boldy. Aýdymçy bu üstünlige soňky döwürde ýekelikdäki çykyşlaryny seýrek goýberýändigine garamazdan ýetdi diýip, Variety neşiri belleýär.
Mars soňky “24K Magic” atly ýekelikdäki albomyny 2016-njy ýylda çykardy.
Häzirki wagtda Mars köplenç bilelikdäki aýdymlary ýazga geçirýär. 2024-nji ýylyň awgust aýynda çykan Ledi Gaga bilen ýazan “Die With a Smile” aýdymy Spotify-da 1,7 milliard töweregi diňleýji toplady. Oktýabr aýynda Roze bilen "Apt." aýdymyny ýazgy etdi. Ol hem milliard diňleýji toplady. Iki trek hem degişlilikde birinji we bäşinji orunlary eýeläp, Billboard Hot 100 çartyna girdi.
24-nji ýanwarda Janaýe Niera Uerri bilen bilelikde aýdan "Fat Juicy & Wet" treki çykdy. Ol hut şu trekden soň 150 million diňleýji belligine ýetdi.
Mars bilen Gaga “Die With a Smile” aýdymy üçin “Ýylyň aýdymy” we “Iň gowy pop-duet” kategoriýalarynda “Gremmi” baýragyna dalaşgär görkezildi.
2021-nji ýylda Mars Silk Sonic lakamy bilen Anderson Pak bilen bilelikde “An Evening With Silk Sonic” albomyny çykardy. Olaryň “Leave the Door Open” atly albomy iň gowy ýazgy we ýylyň aýdymy üçin berlen baýraklary hem goşmak bilen, dört sany “Gremmi” baýragyna mynasyp boldy.
