98 ýaşly aýdymçy we Ariana Grandeniň enesi Marjori Grande Billboard Hot 100 çartyna giren iň garry adam boldy. Meşhur agtygy tarapyndan çykarylan täze «Ordinary Things» aýdymy çartda 55-nji ýerde ýerleşdi. Marjori hem bu aýdymyň awtordaşy we ýerine ýetirijisi hasaplanýar.
«Ordinary Things» aýdymy Ariana Grandeniň «Eternal Sunshine» atly ýedinji studiýa albomyndan ýer aldy. Albomyň özi 2024-nji ýylyň mart aýynda çykdy we Billboard 200 çartynda birinji orny eýeledi. «Ordinary Things» aýdymynyň ahyrynda Marjori Grandeniň sesini eşidip bolýar, çykyş maglumatlarynda ol Nonna diýlip hasaba alyndy – bu terjime edilende «ene» diýmegi aňladýan italýan sözüdir.
Ozal bu rekord «Oh Sweet Lorraine» aýdymynyň awtory amerikaly Fred Stobo degişlidi. 96 ýaşly sazanda Billboard Hot 100-e girip, çartyň 42-nji ornunda ýerleşdi – bu aýdym aýaly aradan çykandan soň pensioner tarapyndan ýazylan täsirli söýgi aýdymydyr.
