Amerikaly pop-ýerine ýetirijisi Teýlor Swift “Gremmi” baýragy üçin ýedinji nominasiýada görkezilip, rekord eýesi boldy. Bu barada BBC salgylanyp, lenta.ru habar berýär.
Swiftiň “Anti-Hero” aýdymy “Gremmi” aýdym-saz baýragynda “Ýylyň aýdymy” nominasiýasynyň gysga sanawyna girdi. Şunuň netijesinde Swift baýragyň taryhynda birbada ýedi nominasiýa alan ilkinji aýdym awtory boldy. Ol rekordy täzeläp, bir gezekde alty nominasiýa alan Pol Makkartniden we Laýonel Riçiden öňe geçdi.
Şeýle-de, Swift “Ýylyň albomy” we “Ýylyň ýazgysy” kategoriýalarynda dalaşgär görkezildi. Bu ýerde ol ýeňiş ugrunda aýdymçylar Oliwiýa Rodrigo, Maýli Saýrus we SZA bilen bäsleşer. Şu ýyl “Ýylyň aýdymyna” dalaşgärleriň arasynda Lana Del Reý we Dua Lipa bar.
Şol bir wagtyň özünde, Swift “Ýylyň albomy” nominasiýasynda eýýäm altynjy gezek görkezilýär. Zenan aýdymçylaryň arasynda şeýle görkezijini diňe Barbra Streýzand alypdy. Ýeňiş gazanan ýagdaýynda Teýlor Swift bu nominasiýanyň ilkinji dört gezek ýeňijisi bolar.
