Italiýanyň futbol ýygyndysynyň we “Ýuwentusyň” öňki goragçysy Jorjo Kiellini 39 ýaşynda butsusyny çüýden asmak kararyna gelendigini aýtdy.
“Skuadra adzurra” toparynyň soňky ýyllarda iň gowy goragçylaryndan biri sosial ulgamlarda karýerasyndaky pursatlary bilen wideo çap etdi we janköýerlere özüniň karýerasyny tamamlaýandygyny aýtdy: “Täze baplara başlamagyň, täze kynçylyklar bilen ýüzbe-ýüz bolmagyň hem-de durmuşyň täze sahypalaryny ýazmagyň wagty geldi".
Kiellini karýerasyna ýönekeýje “Liworno”-da başlady, soňra “Fiorentina”-da özüni tanatdy we iň gowy ýyllaryny “Ýuwentus”-da geçirdi, topar bilen dokuz gezek Italiýanyň çempiony boldy. Goragçynyň karýerasyndaky iň soňky klub 2022-nji ýylda MLS ligasynyň çempiony bolan amerikan Los-Anjelesi boldy.
Bu oýunçy ýurduň milli ýygyndy toparlarynda ýaşlaryň toparyndan başlap, milli ýygyndynyň derejesine çenli köp oýunlarda oýnady, 22 ýyllap “Adzurra” toparynyň düzüminde boldy. Ýurduň esasy topary bilen 2020-nji ýyldaky Ýewropa çempionatynda we Olimpiýa oýunlarynda, Konfederasiýa kubogynda we UEFA-nyň Milletler ligasynda bürünç medallara eýe boldy.
