Türkmenistanyň DIM-inde FAO guramasy bilen hyzmatdaşlygyň meseleleri maslahatlaşyldy

  • 11.12.2023 14:40
  • 3.1k+

10-njy dekabrda Türkmenistanyň Daşary işler ministri Raşid Meredow Halkara Bitaraplyk güni hem-de Türkmenistanyň hemişelik Bitaraplygynyň 28 ýyllygy mynasybetli geçirilýän “Dialog-parahatçylygyň kepili” atly halkara maslahatyna gatnaşmak üçin Aşgabat şäherine iş sapary bilen gelen BMG-niň azyk we oba-hojalyk guramasynyň (FAO) Merkezi Aziýa boýunça sebitleýin utgaşdyryjysy Wiorel Gutsu bilen duşuşdy.

Duşuşykda azyk we ekologiýa howpsuzlygy, tebigy serişdeleriň tygşytly ulanylmagy hem-de sanly ýer kadastry ulgamynda bilelikdäki hyzmatdaşlygyň meseleleriniň giň toplumy barada pikir alşyldy.
Taraplar üstümizdäki ýylda Türkmenistanyň we FAO-nyň arasyndaky hyzmatdaşlygyň netijeliligi barada belläp, bu ugurda bilelikdäki çäreleriň ençemesiniň, şol sanda 2023-nji ýylyň martynda Aşgabatda azyk howpsuzlygy boýunça maslahatyň geçirilendigini nygtadylar. Şunuň bilen baglylykda, türkmen tarapy BMG-niň azyk we oba-hojalyk guramasynyň Merkezi Aziýa boýunça sebitleýin edarasy bilen hyzmatdaşlygy mundan beýläk-de pugtalandyrmaga bolan gyzyklanmasyny beýan etdi.
W. Gutsu Türkmenistanyň azyk howpsuzlygyny üpjün etmäge gönükdirilen tagallalary barada belledi. Şunuň bilen birlikde, Türkmenistanda FAO bilen bilelikde oba hojalygynyň howanyň üýtgemeginiň ýaramaz täsirlerine uýgunlaşmagyny üpjün etmekde wajyp ädim boljak howanyň üýtgemegi we azyk howpsuzlygy meseleleri boýunça sebit maslahatynyň geçirilmeginiň mümkinçilikleri barada maslahatlaşyldy.
Duşuşygyň çäklerinde FAO-nyň ýurdumyz boýunça sebit we tehniki taslamalarynyň amala aşyrylyşynyň häzirki ýagdaýyna seredildi. Bu ugurda suw jandarlary üçin iýmleri öndürmegiň we ýerlemegiň meseleleri hem-de suw jandarlarynyň ýaşaýşyny ýokarlandyrmak boýunça tehniki hyzmatdaşlyk taslamalaryna, dowarlaryň durnukly dolandyrylyşynyň sanly çözgütlerini işläp taýýarlamaklyga we Türkmenistanda suw serişdeleriniň dolandyrylmagynyň howa şertlerine uýgunlaşdyrmagyň mümkinçiliklerini artdyrmaklyga degişli resminamalaryň toplumyna gol çekmegiň wajyplygyna üns çekildi.
Gepleşikleriň gün-tertibiniň aýratyn meselesi hökmünde, Türkmenistanda FAO-nyň wekilçiliginiň açylmagynyň anyk ädimleri maslahatlaşyldy.


şu gün 12:10
4.9k+

RF-niň daşary işler ministri Lawrow ýaş türkmen diplomatlarynyň öňünde çykyş etdi

25-nji iýunda Aşgabatda “Ýyldyz” myhmanhanasynda Russiýanyň daşary işler ministri S.W.Lawrow Türkmenistanyň Daşary işler ministrliginiň işgärleriniň, şeýle hem Türkmenistanyň DIM-iň Halkara gatnaşyklary institutynyň mugallymlarynyň we talyplarynyň öňünde çykyş etdi...

şu gün 12:05
3.1k+

Türkmenistan Hazarýaka döwletleriniň ýolbaşçylarynyň ýörite sammitini geçirmegi teklip edýär

Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi...

şu gün 11:58
3.6k+

Türkmenistanyň we RF-niň Daşary işler ministrlikleri 2025-2026-njy ýyllar üçin hyzmatdaşlyk Maksatnamasyna gol çekdiler

25-nji iýunda Türkmenistanyň Daşary işler ministrliginde Russiýa Federasiýasynyň daşary işler ministri Sergeý Lawrowyň ýolbaşçylygyndaky wekiliýet bilen duşuşyk geçirildi. Gepleşikleriň gün tertibine döwletara gatnaşyklary mundan beýläk-de ösdürmegiň möhüm meseleleri girizildi...

şu gün 11:51
1.4k+

Türkmenistanyň DIM-nde Fransiýanyň senatory bilen duşuşyk geçirildi

25-nji iýunda Türkmenistanyň daşary işler ministriniň orunbasary M.Bäşimowa Fransiýanyň senatory, Fransiýa – Merkezi Aziýa parlament dostluk toparynyň agzasy Samanta Kazebon bilen duşuşdy. Türkmenistanyň DIM-niň...