Müsüriň ähli welaýatlarynda Prezident saýlawlary üçin saýlaw uçastoklary açyldy diýip, RIA Nowosti habar berýär.
Bellenilmegine görä, ses bermeklik ýerli wagt bilen sagat 09:00-da başlandy. Saýlawlar üç gün – 10, 11 we 12-nji dekabr aralygynda dowam eder. 67 million töweregi müsürliniň saýlawlarda ses bermäge mümkinçiligi bar. Tutuş ýurt boýunça jemi 9376 saýlaw uçastogy hereket eder. Synçy hökmünde 14 halkara guramasy wekilçilik ediler. 220 halkara synçy eýýäm tassyklandy.
Müsüriň häzirki Prezidenti Abdel Fattah as-Sisiden başga-da, Respublikan halk partiýasynyň ýolbaşçysy Hazem Omaryň, liberal «Wafd» partiýasynyň başlygy Abdel Sanad Ýamamanyň we Müsüriň Sosial-demokratik partiýasynyň başlygy Farid Zahranyň dalaşgärlige hödürlenendigi bellenilýär.
