Dragon Oil Türkmenistanda öz önümçilik meýdançalarynda 2027-nji ýyla çenli gazyň ýakylmagyny doly bes eder. Bu barada kompaniýanyň baş direktory Ali Raşid Al Jarwan COP 28 konferensiýasy wagtynda "Nebitiň we gazyň dekarbonizasiýanyň düzgünnamasy" şertnamasyna gol çekişlik dabarasynda aýtdy.
Al-Jarwanyň sözüniň üstüni ýetirmek bilen: "Bu ädim Dragon Oil-yň uglerodsyz geljege tarap dünýä hereketini goldamak ugrundaky çäreleri güýçlendirmegiň möhümdigini bilýändigini aýdyň görkezýär" - diýendigini WAM agentligi habar berýär.
DO-nyň baş direktory bu maksada ýetilmegini goldamak üçin kompaniýanyň tagallalarynyň energiýa geçişini çaltlandyrmaga, geljekki energiýa ulgamlaryna we beýleki tehnologiýalara, şol sanda negatiw zyňyndy tehnologiýalaryna maýa goýup, 2050-nji ýyla çenli howanyň bitaraplygyny gazanmaga ýardam etjekdigini düşündirdi.
Al-Jarwan kompaniýanyň gök wodorod, Gün energiýasy, gazyň ýakylmagyny bes etmek we nebit pudagyndan uglerody aýyrmak maksadyny goldaýan beýleki alternatiwalar arkaly arassa alternatiwalaryň üstünde işleýändigini aýtdy.
