6-njy dekabrda Türkmenistanyň Prezidentiniň ýanyndaky Döwlet gullugy akademiýasynyň rektory A.Annamuradowyň Türkiýäniň wise-prezidentiniň Diwanynyň Adam serişdeleri boýunça ofisiniň başlygy Salim Ataýyň arasynda duşuşyk geçirildi.
Duşuşykda taraplar Türkmenistanyň Prezidentiniň ýanyndaky Döwlet gullugy akademiýasy bilen Türkiýe Respublikasynyň Prezidentiniň Adam serişdeleri edarasynyň arasynda adam serişdelerini dolandyrmak babatda hyzmatdaşlygy ösdürmek, özara düşünişmek hakynda gol çekilen Ähtnamada görkezilen ugurlar boýunça amala aşyrylan we geljekki ýerine ýetiriljek işler barada maslahatlaşdylar.
Şeýle hem, duşuşygyň dowamynda taraplar doganlyk gatnaşyklary has-da güýçlendirmek maksady bilen, Ähtnamada görkezilen hyzmatdaşlygyň ugurlarynyň çäklerinde bilelikdäki okuw maksatnamalaryny işläp düzmek, wideoaragatnaşyk arkaly okuw sapaklaryny geçirmek, professor-mugallymlaryň hem-de talyplaryň okuw saparlaryny guramak meselelerini ara alyp maslahatlaşdylar.
Duşuşykdan soňra myhmanlar Akademiýanyň täze binalar toplumyna aýlanyp okuw şertleri bilen tanyşdylar.
