Germaniýanyň ýaşaýjysy öýünde 555 sany arça oturtmak bilen rekord eýesi boldy. Bu barada MIR 24 habar berýär.
Germaniýanyň demirgazygyndaky Rinteln şäherinden 57 ýaşly Tomas Ýeromin we onuň aýaly Sýuzanna meýdany 180 inedördül metr bolan öýde Roždestwo üçin bezelen 555 sany tokaý agajyny oturtdy. Olara jemi 108 müňe golaý şar we 48 müň çyra gerek boldy. Diňe myhman otagynyň özünde 89 agaç ýerleşdirildi. Beýlekiler ýatylýan otagda, geçelge otagynda ýerleşdi. Arçalar hatda hajathana hem sygdyryldy. Är-aýalyň üstünligi Germaniýanyň Rekordlar instituty tarapyndan resmi taýdan tassyklandy.
Şol bir wagtyň özünde, är-aýal tygşytlylygy hem ýatdan çykarmady. Olar elektrik energiýasyny az talap edýän ýörite yşyk diodly (LED) bezeg çyralaryna geçdiler. 6-njy ýanwara çenli bu “tokaýy” aýyrmak göz öňünde tutulýar, ýöne häzirlikçe Ýerominiň öýi Germaniýanyň gözel ýerleriniň birine öwrüldi. Ony görmäge ýurduň ähli ýerinden we hatda beýleki döwletlerden adamlar gelýär.
