Türkmenistanyň medeniýet we sungat ussatlary Ankara we Pariž şäherlerinde geçiriljek konsertlere gatnaşar. Dabaralara gatnaşjak ildeşlerimiz 8 — 19-njy dekabr aralygynda Türkiýe Respublikasynda hem-de Fransiýa Respublikasynda iş saparynda bolarlar. Bu barada ýurdumyzyň Medeniýet ministrligi habar berdi.
Bellenilişi ýaly, Türki halklaryň medeniýeti halkara guramasynyň (TÜRKSOÝ) döredilmeginiň 30 ýyllygy mynasybetli konsertler şu ýylyň 8 — 18-nji dekabry aralygynda Türkiýe Respublikasynyň Ankara şäherinde hem-de Fransiýa Respublikasynyň Pariž şäherinde geçiriler.
