Braziliýa 2024-nji ýylyň ýanwar aýyndan OPEK+ bileleşigine goşular. Report agentliginiň belleýşi ýaly, bu barada çeşmelere salgylanyp, Reuters agentligi habar berdi.
Häzir OPEK+ bileleşigi 23 ýurdy, şol sanda dünýäniň iň uly nebit öndürijileri bolan Russiýa bilen Saud Arabystany öz içine alýar. OPEK ýurtlary bilen kartele girmeýän 11 ýurduň arasynda nebitiň gazylyp alnyşyny çäklendirmek baradaky şertnama dünýäde energiýa göterijilerine bahalaryň pese gaçmagy esasynda ýedi ýyl mundan ozal – 2016-njy ýylyň 10-njy dekabrynda gol çekildi. Bu şertnama esasyndaky bileleşik OPEK+ diýlip atlandyryldy.
Braziliýa ýeterlik derejede uly nebit öndürijisi hasaplanýar. Maglumatlara görä, häzirki wagtda ýurtda nebitiň gazylyp alnyşy günde 3 mln barrelden geçýär.
Iýul aýynda OPEK-iň Baş sekretary Haýsam al-Gaýs guramany giňeltmegiň üstünde işleýändigini aýtdy. Ol Malaýziýa, Bruneýe, Meksika iş saparlary bilen gidendigini, ýöne heniz bu ýurtlary OPEK-e çagyrmak barada gürrüňleriň ýokdugyny belledi.
