Türkmenistanyň Bilim ministriniň çykaran Buýrugyna laýyklykda, Mekdep okuwçylarynyň arasynda okuw dersleri boýunça «Altyn asyryň altyn zehinleri» atly bäsleşikleri geçirmegiň Düzgünnamasyna üýtgetmeler girizildi. Bu resminama 2023-nji ýylyň 27-nji noýabrynda Türkmenistanyň Adalat ministrligi tarapyndan döwlet belligine alyndy.
Resminama laýyklykda, Mekdep okuwçylarynyň arasynda okuw dersleri boýunça «Altyn asyryň altyn zehinleri» atly bäsleşikleri geçirmegiň Düzgünnamasynyň ýazgysynda «welaýat (Aşgabat şäher) we umumy döwlet», welaýat (Aşgabat şäher) Baş bilim müdirlikleri (mundan beýläk - Baş bilim müdirlikleri), «welaýat (Aşgabat şäher)», «Aşgabat şäher we welaýatlaryň» diýen sözleri degişlilikde «welaýat (Aşgabat we Arkadag şäherler) we umumy döwlet», we (Aşgabat şäher) Baş bilim müdirlikleri (mundan beýläk - Baş bilim müdirlikleri), (Arkadag şäher) bilim müdirligi (mundan beýläk - bilim müdirligi)», «welaýat (Aşgabat we Arkadag şäherler)», «Aşgabat, Arkadag şäherleriniň we welaýatlarynyň» diýen sözler bilen çalşyrylar.
Şeýle hem Düzgünnamadaky ýazgyda Baş bilim müdirliklerine, Bilim ministrligine salgylanmalary degişlilikde bilim müdirligine, Baş bilim müdirliklerine, Bilim ministrligine salgylanmalar bilen çalşyrylar.
Düzgünnamanyň on bäşinji böleginiň 1-nji tesminde «aprel» aýynda diýen sözi «mart» aýynda diýen söz bilen çalşyrylar.
Buýrugyň doly görnüşini şu salgydan okap bilersiňiz.
