GDA agza ýurtlaryň döwlet Baştutanlarynyň resmi däl duşuşygy 26-njy dekabrda Sankt-Peterburgda geçiriler. Bu barada GDA-nyň Baş sekretary Sergeý Lebedew habar berdi.
«25-26-njy dekabrda Sankt-Peterburgda iki möhüm çäre geçiriler. 25-nji dekabrda Ýewraziýa Ykdysady Bileleşiginiň prezidentler derejesindäki Ýokary geňeşi, 26-njy dekabrda bolsa GDA ýurtlarynyň Prezidentleriniň resmi däl duşuşygy meýilleşdirilýär» – diýip, ol Minskde GDA-nyň Ýerine ýetiriji komitetinde geçirilýän Arkalaşyga gatnaşyjy döwletleriň hemişelik wekilleriniň geňeşiniň nobatdaky mejlisi başlamazdan öň aýtdy.
Şeýle-de, Lebedew 18-nji dekabrda GDA ýurtlarynyň Hökümet baştutanlarynyň nobatdan daşary duşuşygynyň geçiriljekdigini habar berdi.
«GDA-nyň hökümet baştutanlarynyň duşuşygy RF-iň başlangyjy bilen nobatdan daşary bolar. Ol 18-nji dekabrda Moskwada RF-niň premýer-ministri Mihail Mişustiniň başlangyjy bilen geçiriler diýlip garaşylýar. Ýurtlaryň premýer-ministrleri ýylyň ahyrynda GDA-nyň işine baha bermek we möhüm meseleleri ara alyp maslahatlaşmak üçin ýygnanarlar» – diýip, Sergeý Lebedew belledi.
