Microsoft önümleriniň görnüşini köpeltmek üçin ýene bir ädim ätdi. Bu gezek kompaniýanyň oýun bölümi bolan Xbox özboluşly sagat döretmek üçin Amerikanyň Meister Watches sagat öndürijisi bilen hyzmatdaşlyk etjekdigini mälim etdi.
Ak reňk gammasynda we Xbox-kontrollaýjynyň dizaýnyndan ylhamlanan bu sagat markanyň muşdaklary üçin hakyky sowgat bolar.
250 nusgadan ybarat bolan çäkli seriýa Xbox-a mahsus “buz kristaly” reňkinde bolar. Mundan başga-da, sagat gara we ak çalşylýan silikon sagatbaglydyr.
Gynansagam, bu sagat sözüň adaty manysynda düşünilişi ýaly «akylly» däldir. Olar kwars sagadynyň nusgawy stilinde, senäni we hepdäniň gününi görkezýän aýratynlyklary bar we 50 metre çenli suw geçirmezlik häsiýeti bar.
Täze önüm 80 dollardan satylar.
