Şu gün, 25-nji noýabrda geçiriljek Türkmenistanyň Mejlisiniň dördünji maslahatynda «Türkmenistanyň 2024-nji ýyl üçin Döwlet býujeti hakynda» Kanunyň hem-de «Türkmenistanyň 2022-nji ýyl üçin Döwlet býujetiniň ýerine ýetirilişi hakynda» Mejlisiň kararynyň taslamasyna serediler. Bu barada Mejlisiň Başlygy D.Gulmanowa anna güni Hökümet mejlisiniň barşynda habar berdi.
Bellenilişi ýaly, maslahatyň barşynda şeýle hem birnäçe kodekslere, beýleki käbir kanunçylyk namalaryna üýtgetmeleri we goşmaçalary girizmek hakyndaky Kanunlaryň taslamalaryny ara alyp maslahatlaşmak göz öňünde tutulýar.
