Britaniýanyň mahabat standartlary boýunça edarasy (The Advertising Standards Authority, ASA) ekologik düşünjeler sebäpli Toyota pikaplarynyň mahabatyny gadagan etdi, sebäbi mahabat wideosynda derýanyň hanasyndan geçýän awtomobiller bar diýip, Financial Times (FT) gazeti habar berýär. Muny gazeta.ru ýetirýär.
Bellenilişi ýaly, mahabatda biri-biriniň yzyndan düzlükden hereket edýän Toyota Hilux awtomobilleri derýanyň hanasyndan geçip, ýola çykýarlar. ASA mahabatda daşky gurşawa ýaramaz täsirini hasaba almazdan awtomobilleriň tebigy ekoulgamlaryň üsti bilen sürlüşi görkezilýär diýip hasaplady.
Toyota Motor mahabatda diňe awtomobiliň mümkinçilikleriniň görkezilýändigini we hiç bir düşünjeli tomaşaçynyň wideony oba ýerlerinde jogapkärçiliksiz sürmäge we daşky gurşawa zyýan ýetirmäge çagyryş hökmünde kabul etmejekdigini düşündirdi.
