Aşgabatda kuraş göreşi boýunça 14-nji dünýä çempionatynyň ýaryşlaryna tomaşa etmek üçin fan-zolaklar açyldy. Olar paýtagtymyzyň “Berkarar” (1-nji gatda) we “Aşgabat” (2-nji gatda) ýaly söwda-dynç alyş merkezlerinde ýerleşýär diýip, Türkmenistan Halkara Habarlar portaly habar berýär.
Fan-zolaklara giriş mugt bolup, janköýerler üçin güýmenje programmasy we bäsleşikler taýýarlandy. Fan-zolakda dünýä çempionatyndaky ähli ýaryşlara tomaşa etmek bolýar.
Belläp geçsek, dünýä çempionatynyň maksatnamasy 25-nji noýabrda geçiriljek dabara bilen açylar. Türgenleriň arasyndaky ýaryşlar 27-nji we 28-nji noýabrda geçiriler.
