FAO-nyň bilermenler topary Türkmenistana geldi

  • 22.11.2023 12:28
  • 6.1k+

FAO-nyň bilermenler topary «Parnik gazlarynyň zyňyndylaryny azaltmak maksady bilen, ownuk mallary köpeltmegiň netijeliligini ýokarlandyrmak» taslamasynyň çäginde Türkmenistana geldi.

Toparyň maksady taslama gatnaşýan edaralaryň wekilleri bilen duşuşyklary guramak we Daşoguz welaýatynyň tokaý hojalyklarynyň önümçilik meýdanlarynda, şeýle hem bu taslama üçin mundan beýläkki çäreleri meýilleşdirmek. FAO hünärmenleriniň wekiliýetine maldarçylyk we ownuk mallary iýmitlendirmek, öri meýdanlaryndaky ösümlikleri we biodürlüligi hem-de landşafty toplumlaýyn dolandyrmak, öri meýdan meýilnamalaryny işläp düzmek we maglumatlar bilen işlemek boýunça hünärmenler girýär.
Hünärmenler Türkmenistanyň Daşky gurşawy goramak ministrliginiň, Oba hojalygy ministrliginiň we Türkmenistanyň Ylymlar akademiýasynyň Tehnologiýalar merkeziniň wekilleri bilen dowam edýän we meýilleşdirilýän FAO taslamalary barada maglumat alyşmak üçin maslahatlary geçirerler. Saparyň çäginde FAO toparynyň agzalary Daşoguz welaýatyna baryp görerler, bu ýerde maldarçylygy we öri meýdanlaryny dolandyrmak üçin jogapkär ýerli häkimiýetleriň wekilleri bilen duşuşyklar we maslahatlar geçiriler.
Şeýle hem ýerli uzak öri meýdanlarynyň ýagdaýlary bilen tanyşmak üçin öri meýdanlaryna baryp görmek meýilleşdirilýär. Maslahatlardan we meýdan işlerine baha berlenden soň, halkara bilermenler we milli hyzmatdaşlar taslamany durmuşa geçirmek üçin geljekki wezipeleri kesgitlärler. Hususan-da, tygşytly iýmit önümçiligi we haýwanlary iýmitlendirmegiň häzirki zaman ulgamlarynda iýmitlendiriş tejribesini gowulandyrmak, öri meýdanlaryny we tebigy baýlyklary dolandyrmagy gowulandyrmak we netijede parnik gazlarynyň çykarylyşyny azaltmak arkaly taslamanyň garaşylýan netijelerine ýetmegi maksat edinýärler diýip, «Türkmenistan: Altyn asyr» elektron neşiri habar berýär.


düýn 12:16
1.1k+

Serdar Berdimuhamedow Çehiýany Garaşsyzlyk güni bilen gutlady

Prezident Serdar Berdimuhamedow Çehiýa Respublikasynyň Prezidenti Petr Pawele we ýurduň ähli halkyna Çehiýa Respublikasynyň Garaşsyzlyk güni mynasybetli mähirli gutlaglaryny hem-de iň gowy arzuwlaryny iberdi. Döwlet...

düýn 11:57
3.4k+

Moskwada howpsuzlyk meseleleri boýunça türkmen-rus geňeşmeleri geçirildi

27-nji oktýabrda Moskwa şäherinde Türkmenistanyň we Russiýa Federasiýasynyň Daşary işler ministrlikleriniň arasynda häzirki zaman wehimlerine we howplaryna garşy göreşmek meseleleri boýunça geňeşmeler geçirildi...

düýn 11:52
2.3k+

Türkmenistanyň ilçisi Rumyniýanyň Daşary işler ministrliginiň Baş direktory bilen duşuşdy

24-nji oktýabrda Türkmenistanyň ilçisi Annamämmet Annaýew Rumyniýanyň Daşary işler ministrliginiň Baş direktory Dan Ýanku bilen duşuşyk geçirdi. Bu barada Türkmenistanyň DIM-nde habar berdiler. Rumyniýanyň Daşary işler ministrliginiň binasynda geçirilien duşuşykda ikitaraplaýyn hyzmatdaşlygyň giň toplumy boýunça pikir alşyldy...

düýn 11:28
9.6k+

Donald Tramp Serdar Berdimuhamedowy Ak tamda geçiriljek duşuşyga çagyrdy

Amerikanyň Birleşen Ştatlarynyň Prezidenti Donald Tramp Türkmenistanyň Prezidenti Serdar Berdimuhamedowy C5+1 sammitine gatnaşmak üçin çagyrdy. Çakylygyň teksti metbugatda çap edildi. "Men Sizi Merkezi Aziýa ýurtlarynyň...