Microsoft kompaniýasy OpenAl-yň öňki baş müdiri Sem Altmany we egindeş esaslandyryjysy Greg Brokmany işe alýar. Altman anna güni müdirler geňeşi “onuň OpenAl-a ýolbaşçylyk etmek ukybyna ynamynyň ýokdugyny” aýdandan soň işden çykaryldy diýip, ixbt.com belleýär.
“Biz Sem Altmanyň we Greg Brokmanyň kärdeşler bilen bilelikde emeli aň pudagynda täze öňdebaryjy gözleg toparyna ýolbaşçylyk etmek üçin Microsoft-a goşulýandygyny habar bermäge şat. Biz olary üstünlik gazanmakda zerur çeşmeler bilen üpjün etmek üçin çalt hereket ederis” – diýip, Microsoft-yň baş müdiri Satýa Nadella aýtdy.
Mundan öň Twitch-iň baş müdiri we egindeş esaslandyryjysy Emmet Şiriň OpenAl-yň ýolbaşçysy wezipesine bellenilendigi belli boldy. Ol anna güni Altman işden çykarylandan soň OpenAl-yň wagtlaýyn baş müdiri wezipesine bellenilen Mira Muratiniň ýerine geçer.
Microsoft emeli aň pudagynda täze öňdebaryjy gözleg toparyny döretdi. Bu Microsoft hususy emeli aň çibini döredýändigi barada yglan edeninden bir hepde soň boldy. Şeýle-de, Microsoft bulut iş ýükleri üçin Arm esasly hususy prosessoryny döretdi. Ýörite kremniý çipleriniň ikisi-de Azure maglumatlary işleýiş merkezleri üçin niýetlenendir.
