Lýuis Hemiltonyň ilkinji Mercedes awtoulagy rekord baha — 18,8 million dollara satyldy

  • 20.11.2023 15:13
  • 12k+

Formula-1-iň ýedi gezek çempiony beýik britaniýaly Lýuis Hemiltonyň Mersedes-iň düzüminde ilkinji ýeňşini gazanan awtoulagy Sotheby auksionynda 18,8 million dollara satyldy.

Auksion Las Wegas Gran Prisi wagtynda Wynn Las Vegas myhmanhanasynda geçirildi. Bu häzirki zaman Formula 1 awtoulagy üçin tölenen iň ýokary nyrhdyr. Sotheby ilkibaşda awtoulagyň bahasyny 10-15 million dollar diýip çaklady.
Hemilton 2013-nji ýylda bu awtoulagda Wengriýa Gran Prisinde ýeňiji bolupdy. Auksion öýüniň berýän maglumatlaryna görä, bu Mercedes-e,  toparyň ýolbaşçysy we baş direktory Toto Wolff-a ýa-da Hemiltonyň özüne degişli bolmadyk, häzirki döwrüň Mercedes F1-niň ýeke-täk awtoulagydyr. Sotheby -niň wekili ulagy kimiň satyn alandygyny aýtmakdan saklandy.
Hamilton 2013-nji ýyldan bäri Mercedes-iň adyndan çykyş edýär we bu döwürde topar bilen alty çempionlyk derejesini gazandy we 82 gezek Gran-Priniň ýeňijisi boldy. 38 ýaşly britaniýaly türgen ýeňişleri (103), poul-orunlary (104) we podiumda (197) ýeňiş gazanmak boýunça Formula 1-iň rekordyny eýeleýär. Gran-Pridäki soňky ýeňşini 2021-nji ýylda gazanypdy.


23.05.2025 19:07
9.3k+

BYD 7000 awtoulag daşamaga ukyply täze rolkerini suwa goýberdi

«BYD Auto» kompaniýasy özüniň ýük flotuny täze, sany boýunça eýýäm ýedinji uly rolkeri bilen giňeltdi. «Guangzhou Shipyard International» gämi gurluşyk zawodynda gurlan gämi 7000-e çenli awtoulag daşamaga ukyply diýip, «CnEVPost» neşiri habar berýär...

10.05.2025 19:15
3.1k+

Jesko Absolut giperkary ýarym mil aralykda Venom F5-iň tizlik rekordyny täzeledi

Koenigsegg Jesko Absolut giperkary ýarym mil – takmynan, 800 metr aralykda tizlik rekordyny goýdy. Ulag tizligini 359,83 km/sag çenli artdyryp, Hennessey Venom F5-iň öňki netijesinden geçdi. Bu ulag tizligini 357,11 km/sag çenli artdyrypdy...

07.05.2025 13:23
3.8k+

Mercedes Bred Pittiň düşmeginde Formula 1 hakdaky filmiň hormatyna ýörite superkar çykardy

Mersedes-AMG Bred Pittiň baş keşbi janlandyrmagynda Formula 1 hakyndaky  filmiň hormatyna döredilen GT 63 APXGP Edition superkarynyň çäkli sanda çykan wersiýasyny hödürledi. Awtoulag filmdäki toslama Apex Gran Pri bolidiniň liwreýine meňzeş öwüşgin aldy...

20.04.2025 14:42
2.2k+

Porsche 911 GT3 mehanika ulaglarynyň arasynda “Nýurburgringiň” rekordyny goýdy

2025-nji ýylyň Porsche 911 GT3 ulagy mehaniki hereket gutusy bolan köpçülikleýin awtomobiller üçin Nýurburgring ýolunda täze aýlaw rekordyny goýdy. Ulagy Porsche-niň zawod ýaryşa gatnaşyjysy Ýorg Bergmaýster dolandyrdy...