Gyrgyzystan GDA-nyň gatnaşyjy döwletleriniň Parlamentara assambleýasynyň güýzki sessiýasyny kabul edýär. Iki gün – 16-17-nji noýabrda dowam etjek sessiýada halkara hyzmatdaşlygy berkitmek, adam hukuklaryny goramak, sosial, ýaşlar we medeni taslamalary ösdürmek bilen baglanyşykly birnäçe çäre geçiriler diýip, rg.ru habar berýär.
Sessiýanyň işiniň birinji gününde Arkalaşygyň ýurtlarynyň parlament ýolbaşçylarynyň duşuşygy geçiriler. Şol bir wagtyň özünde Bişkek meýdançasynda GDA-nyň Parlamentara assambleýasynyň syýasy meseleler we halkara hyzmatdaşlyk, sosial syýasat we adam hukuklary boýunça hemişelik komissiýalarynyň, şeýle-de GDA-nyň Ýaşlar parlamentara assambleýasynyň mejlisleri geçiriler.
Sosial syýasat we adam hukuklary boýunça Parlamentara assambleýasynyň hemişelik komissiýasy, öz gezeginde, “GDA gatnaşyjy döwletlerde derman serişdeleri bilen üpjün etmek baradaky” nusgawy kanunyň taslamasyna sereder we Arkalaşygyň ýurtlarynda zähmet goragynyň kadalaryny we migrasion syýasaty ara alyp maslahatlaşar.
17-nji noýabrda bolsa Bişkekde assambleýanyň hasap boýunça 56-njy umumy mejlisi geçiriler. Şol gün parlament wekiliýetleriniň ýolbaşçylary we gatnaşyjylary Çingiz Aýtmatowyň doglan gününiň 95 ýyllygy mynasybetli geçiriljek halkara konferensiýa gatnaşarlar.
